Barryman's Coffee and Tea

Barryman's Coffee and Tea

P5M cocaine, nakua sa Catanduanes


VIRAC, Catanduanes (Bicol Standard) -- Nagtutubod an mga pulis na posibleng dai pa nauubos na idagsa sa baybayon kan Bicol an mga cocaine na inapon sa dagat Pacifico asin digdi idinadampal sa mga lugar sa sirangan na mga banwaan kan rehiyon.

Segun sa pahayag ni Police Inspector Michael Albina, an hepe kan Municipal Police Station kan Baras, Catanduanes, cocaine mananggad an laog kan back pack na nasapod ni John Anthony Tabinas, sa dagat, sa tungod kan banwaan kan Baras, Catanduanes.

An confirmasyon na cocaine talaga an nasapod ni Tabinas, hale na mismo sa informasyon na pinadara kan Philippine Drug Enforcement Agency.

Maroromdoman nangapodan an mga awtoridad sa mga para sira na naglalawod sa dagat Pacifico, i-report tulos sa saindang opisina o sa pulis an pig dududahan na illegal drugs.

Mientrastanto, tatawan nin gratificashon kan gobierno si Tabinas na iyo an nagdara kan cocaine sa hepatura kan pulis, asin pagmidbid sa saiyang tabang sa gobierno sa kampanya contra sa illegal drugs.

Ipinahayag kan pulis na an kantidad kan cocaine na nakua sa Baras, Catanduanes carculadong nagkakantidad nin P5 milyon.

Philhealth

Philhealth

Ako Bicol

Ako Bicol

Trending

Powered by Blogger.