Barryman's Coffee and Tea

Barryman's Coffee and Tea

Motion to quash kan 194 caso ni Andaya sa Sandiganbayan, ibinasura


MANILA (Bicol Standard) -- Dae nagtugot an Sandiganbayan na idismis an 194 caso criminal na inaatubang ni Camarines Sur 1st Dist Congressman Rolando Andaya na man koneksyon sa P99 milyones na Malampaya fund scam.

Sa 28ng dahon na resolution na may fechang Marso 6, ibinasura kan 3rd Division kan Sandiganbayan an motion to quash ni Andaya, huli ta an pag dismiss kan caso contra saiya na mayo nin full blown trial bakong tama o magkakanigo sa parte kan prosecution.

"An mga argumento asin allegasyon kan prosecution, siring man an gabos na argumento asin defensa kan akusadong si Andaya Jr., kaipohan na dangogon kan jusgado sa tamang panahon, ta digdi sinda hahagadan na mag sumitir nin mga evidencia", sabi kan Sandiganbayan.

Si Andaya, sa saiyang mosyon, nagsabi na an inaatubang niyang 97ng counts nin graft asin malversation through falsification "fatally defective" nin huli ta dai ipinaheling kun ano an saiyang participasyon sa crimen.

Nag rason si Andaya na an saiyang ginibo iyo an mag aprobar sana kan special allotment asin release order asin an notices of cash allocations kan kantidad P900 milyones.

An sinambit na fundo para sa relief operations and rehabilitation kan mga lugar na affectado kan Tropical Storm Ondoy asin Pepeng sa pag ultanan kan 2009 asin 2010, na parte kan saiyang obligasyon asin trabaho bilang secretaryo kan Department of Budget and Management.

Sabi ni Andaya an issue dapit sa conspiracy mga allegasyon sana asin mayo nin malinaw na paliwanag kun pano nangyari ini.

Mientrastanto, an Sandiganbayan nagsabi na an caso contra ki Andaya sufficiente sa forma.
Sinambit kan Sandiganbayan na base an resolution kan Augusto 2018 na nagsaysay na an kaipohan sanang gibohon kan prosecution iyo an sambiton sa charge sheets an "ultimate facts."

An ibang bagay arog kan mga evidencia na masuporta kan "ultimate facts" asin detalyes kun pano nakomitir an crimen, dai kaipohan na sambiton sa information, sabi pa.

Dai man kaipohan si Andaya na mag participar sa gabos na aspeto asin detalyes kan crimen para mag existir an conspiracy ta pwedeng iba man si saiyang trabaho, asin iba man sa mga co-accused, sabi kan resolution.

Kun may conspiracy, an gibo kan saro, gibo kan gabos.

Si Presiding Justice Amparo Cabotaje-Tang an nag surat kan resolution, na pinaboran ninda Associate Justices Bernelito Fernandez asin Ronald Moreno.

Si Janet Lim Napoles na condinado na sa casong plunder, kabale man sa casong ini.

Philhealth

Philhealth

Ako Bicol

Ako Bicol

Trending

Powered by Blogger.