Art Workshop

Art Workshop

Mga soldados na Bicolano na nagadan sa Lanao del Sur, tinawan full military honors


PILI, Camarines Sur -- Makusog na silok-sigok an nadangog kasubago hale sa mga partidaryo asin amisdad kan apat na soldados kan army na nagadan sa pakipag laban sa mga terrorista sa Mindanao, na ipinuli an bangkay digdi.

Pag tugpa pa sana kan eroplano na pig lunadan kan saindang mga taol, nagdalihig na tulos an luha kan dakul na mga nag simpatiya sa mga nagadan na soldados na itinaya an saindang buhay, para sa katuninongan kan nasyon.

Huli kan importansya kan saindang ginibo para sa nasyon, tinawan sinda nin "full military honors", kan 9th ID kan Philippine Army, digdi.

An mga nagadan na soldados na anas Bicolano iyo an minasunod: Cpl. Mark Joy Belano, na taga Pili, Camarines Sur; Cpl. Jojo Lim, taga Balatan, Camarines Sur; Cpl. Rocky Sasutona, kan Ocampo, Camarines Sur asin si Pvt. Christipher Baylon, kan Labo, Camarines Norte.

Nagadan sinda sa paki laban sa mga miembris kan ISIS asin BIFF kan fecha 15 kan Marso, 2019, sa Lanao del Sur.

Gabos sinda miembros kan 49th Infantry Batallion.

Trending

Powered by Blogger.