Mga magraduar, dai obligado mag sulot nin toga -- RD Sadsad


NAGA CITY (Bicol Standard) -- Pinasabot ni DepEd Region V Regional Director Gilbert Sadsad an mga magraduar ngonian na taon na dai obligado an mga magraduar ngonian na taon na magsulot nin toga, para mababale sa pag paso sa graduation.

Ini an pahayag ni Sadsad para linawon an pagtubod kan ibang mga magurang asin estudiante na dai sinda makaka ayon sa mga magraduar kun dai naka sulot nin toga, na iyo an parateng gamit na uniforme kan mga magraduar.

Malinaw na sinabi ni Sadsad na dai pwedeng gibohon na pagboot kan mga eskwelahan an pag sulot nin toga, para maka tungtong sa stage, para sa ceremonya kan mga matapos nin pag edkwela.
"Haloy na ining pagboot kan DepEd. Mayo nin bagong reglamento dapit digdi," sabi pa.

Mientrastanto, kun pig orolayan kan mga magurang o mga magraduar na estudiante na masulot sinda nin toga sa pag paso, pwede man.

Bastang kun dai kaya kan mga eskwela na mag arkila o magbakal nin toga, dai pwede sindang persigiron na mag gastos para digdi.

Yaon man guiraray an rekomendasyon kan DepEd na para maka economiya nin gastos sa pag graduar, pwedeng usaron kan mga eskwela an mga school uniforms na gamit ninda sa pag eskwela.

Popular Posts

News

Government

Education

Features

Powered by Blogger.