Gabos na bus terminals sa EDSA sarado na poon Hunyo 2019 - MMDA



MANILA - An gabos na bus terminals na namumugtak sa EDSA an sasaradohan poon sa Hunyo, ngonian na taon, sabi kan MMDA kasuodma.

Segun ki MMDA Gen Manager Jojo Garcia, nakipag coordinar na siya sa LTFRB asin sa Department of Transportation dapit sa closuere kan mga terminals pakatapos na Semana Santa.

"Nagkaigwa nin meeting an MMDA sa LTFRB asin DOTr kan sarong aldaw, para sa pag sara kan mga provincial bus terminals. An LTFRB an malibot sa lugar, para ipaisi an desisyon na ini, sabi ni Garcia sa meeting kan mga miembros kan Metro Manila Council.

Idinagdag ni Garcia na mapoon sinda kan dru run kan pag sarado kan mga bus terminals pakatapos sana kan Holy Week.

An pag sarado kan mga terminals sa EDSA parte kan programa kan gobierno na maremedyohan an grabeng traffic sa Metro Manila, asin an provincial buses an kabale sa nakakapapiot kan traffico ta nag papababa asin nagpapasakay nin pasahero an provincial buses sa kalabaan kan EDSA, sabi ni Garcia.

Siring man, sinabi ni Garcia na nagkapirang bus terminals an pig gigibo ngonian para sa mga provincial buses sa south asin north kan Metro Manila -- siring kan Valenzuela City asin sa Sta Rosa, Laguna.

Trending

Powered by Blogger.