Sponsor

Full military honors tinao sa 4 na soldados na Bicolano na nagadan sa Minadao


PILI, Camarines Sur (Bicol Standard)--Nag-abot kasubangong aga an bangkay kan 4 na soldados na Bicolano na nagadan kan Marso 11 sa combat operation contra sa grupo kan Maute-ISIS, na nangyari sa sitio Palasun, Brgy, Calaludan, Pagayawan, Lanao del Sur na pinapamayohan ni alyas Abu Dar.

An mga ini iyo sinda Corporal Mark Joy Belano kan Pili, Cam. Sur; Corporal Jojo Lim kan Balatan, Cam. Sur; Corporal Rocky Sasutona, kan Ocampo, Cam. Sur; asin Private Christopher Baylon kan Labo, Camarines Norte.

Full military honors an itinao kan 9th Infantru Division sa nasambit na mga soldados.

Afuera kan 4 na nagadan, duwa pang soldados an may lugad asin nagpaparahay digdi sa rehiyon.

Ipinahayag ni Col Paul Regencia, an spokesman kan 9th ID kan Philippine Army sa Bicol, na an kadaklan sa mga soldados na nasa 49th IB sa irarom kan 103 infantry Brigade sa Mindanao na hale sa Bicol Region na ipinapadara kaito sa kainitan kan guerra sa Marawi City.

Philhealth

Philhealth
Powered by Blogger.