Barryman's Coffee and Tea

Barryman's Coffee and Tea

Cocaine an laog kan back-pack na nag aanod-anod dagat kan Catanduanes?




Photos courtesy of PNP


VIRAC, Catanduanes -Ipinadara ngona sa Crime Labaroratory tangani na aramon kun illegal na droga an laog kan color brown na back pack na may laog nin puti na pulbos (crystalline granules), na nakuang naglalataw-lataw sa kadagatan sa tungod kan Baras, Catanduanes, ngonian na hapon.

Segun sa report na pinaluwas hale sa opisina ni PSSupt Paul F. Fabay, an Provincial Director kan PNP digdi, gusto ngona nindang ma-sierto kun anong claseng pulbos an laog kan back back na ini.

Sabi kan pulis, poco mas o menos alas 2:00 nin hapon, Marso 7, 2019, kan i-turn over ni John Anthony Tabinas y Abad, 27 anyos, para sira an sinambit nang bagay.

Si Tabinas residente kan Baras, Catanduanes, sarong banwaan na nakaatubang sa Pacific Ocean.

Nasapod ni Tabinas an brown na back pack na may laog nin maputi na pulbos kasubagong alas 11:00 nin odto, ngonian na aldaw, na nag aanod-anod sa tahaw kan dagat.

Pighahalat pa an resulta hale sa crime lab kun ano talaga an pulbos na ini.

Maromdoman na kan nakaaging bulan, may mga nakuang cocaine na naglalataw-lataw o idinampal sa baybayon na hale sa Pacific Ocean na katakod kan dagat igdi.

Philhealth

Philhealth

Ako Bicol

Ako Bicol

Trending

Powered by Blogger.