'Badas,' tinugotan na mag fianza kan jusgado



NAGA CITY -Tinugotan kan jusgado na maka fianza si Jose Cecilio Jr., na bistado sa bansag na "Badas", na akusado sa kasong pagbalga kan RA 9208, o an Anti-Trafficking in Persons Act.

Maroromdoman na kan nagtalikod na bulan si Badas tinuklo kan mga tawohan kan CIDG digdi, por medyo nin entrapment operation na saindang ikinasa.

Suboot, si Badas ipig bugaw an duwang mga joven pang mga babae digdi sa Naga City.

Base sa pahayag ni P/Chief Insp Rommel Labalan, an provincial Officer kan Criminal Investigation and Detection Group digdi sa Camarines Sur, aadalan liwat ninda an mga documento kan casong para ma sierto saen may kulang, o kun igwa pa nin kaipohan na idagdag sa kaso.

Nin huli ta tinugotan na maka fianza si Badas, nag promisa an CIDG na mamansayan pa ninda an lakaw-lakaw asin hiro-hiro kan nasambit na persona kun mabwelta siya sa dating trabaho.

Sa halawig na panahon, bistado si Badas kan mga taga Naga na iyo an contact kan mga babaeng nagtitinda nin madalian na kaogmahan.

Kabale sa saiyang mga cliente an mga prominenteng tawo digdi, o maging mga ordinaryong mga tawo, kabale an mga pulis, kabale an mga politiko asin mga negosyante na igwa mawot na pa-ogmahon na bisita, o maging para-oso ninda.

Popular Posts

News

Government

Education

Features

Powered by Blogger.