2 lalaki nag duelo sa Lupi, CSur, saro irido


LUPI, CSur - Garong eksena sa pelicula si nangyaring duelo kan duwang residente kan banwaan na ini na nagka-uyon na magbadilan para maaraman kun sisay an maorag sa saindang duwa.

Segun sa report kan pulis, si Lorenzo Bogagao y Amante alyas Barok, may agom, asin si Rolando Sabado y Ladop, 52 anyos, may agom, nagka oyon na tapuson an saindang problema por medyo nin pag duelo, gamit an saindang badil.

Sabi sa imbestigasyon, haros sabay nag bunot kan saindang badil si Bongagao asin Sabado.

Alagad, enot na nakapaputok asin tinamaan nin bala an kamot asin daghan ni Bogagao kaya siya irido ngonian.

Mientrastanto, yaon sa lugar kan incidente si PO3 Joey Manzanillo na an distino sa PNP Provincial Office, alagad kan panahon na ito yaon sa Brgy. Sooc.

Inarestar ni Manzanillo si Sabado na iyo an nakabadil ki Bogagao, na nalugadan sa duelo kan duwa.

Segun sa awtoridad, kinumpiscar kan pulis an calibre .38ng armas na ginamit ni Sabado sa pag badil ki Bogagao.

Siring man an kalibre .38 na ginamit kan biktima sa pakipag duelo, pig compiscar pa kan pulis.

Nagluwas sa report na pareyo dai licensiya an badil kan nag duelo.

Kakasohan si Sabdao nin Attempted Homicide, pagbalga kan Omnibus Election Code asin illegal possession of firearms.

An biktimang si Bogagao, sasangatan man nin illegal possession of firearms asin pagbalga kan Election Code.
Powered by Blogger.