Monday, February 4, 2019

P3.4-M na shabu, dakop sa Milaor


NAGA CITY (Bicol Standard) -Nadakop kan mga miembros kan anti-drug operatives kan sarong aldaw an duwang suspechado sa pagbariwas nin droga hale sa Cavite, asin nakumpiscar sa sainda an kantidad P3.4 million na shabu, sa drug operation sa Milaor, Camarines Sur, sabi kan Philippine Drug Enforcement Agency (PDEA) sa Bicol.

Pugol ngonian kan mga awtoridad sinda Jane Christine Luzvi Nuevo a.k.a "Jing", 32, asin Marlon Luisse Esperitu, 23, pareyong residentes kan Bacoor City, Cavite.

Naarestar sinda mantang nagpapabakal nin shabu sa underconver agents kan PDEA sa Milaor-Naga bypass road sa Brgy. San Jose, poco mas o menos alas 11:45 nin aga, segun ki Christian Frivaldo, an acting regional director kan PDEA.

Pigtukdo ni Frivaldo an mga suspechado na iyo an mga suppliers nin druga na nag ooperar sa Camarines Sur.

An mga tawohan kan PDEA nakakua sa suspechado nin limang plastic bags na may laog nin pig tutubodan shabu na may gabat na 500 gramos asin may street value na kantidad P3.4 million asin awto na Ford Lynx na gamit kan mga suspechado sa pag distribuir kan illegal na druga, sabi ni Frivaldo.

Sabi ni Frivaldo sa interview na sa laog nin duwang semana, an total na nacompiscar kan PDEA na illegal na druga hale sa Camarines Sur asin Albay nag-aabot na sa total na kantidad na labing 10 milyones de pesos.
Share:

Featured Post

16 anyos nag-suicide huli sa makuring pungaw

SORSOGON CITY (Bicol Standard)-- Tinapos na lugod kan 16 anyos na estudiante an saiyang buhay nin huli sa labi-labing problema sa pamilya n...