Nag gadan ki PDEA Asst Prov'l Officer Barba, target kan PNP, NBI


LEGAZPI CITY (Bicol Standard) -- Determinado an mga awtoridad na matawan nin justicia si Enrico Barba y Gadin, an Assistant Provincial Officer kan PDEA sa Camarines Norte na nakuang tadtad nin bala kan sarong aldaw, asin inapod sa may cale sa Brgy. Napolidan, Lupi, Camarines Sur.

Sa ginibong orolay kasuodma kan mga haralangkaw na official kan PDEA sa Legazpi City, naheling an grabeng kamunduan kan mga nag tatrabaho sa sinambit na ahensya, sa nangyari ki Barba.
Segun sa report, antes na ginadan si Barba, aram kan PDEA Region V na makikipaghelingan siya sa sarong informante kan ahensiya, dapit sa segidong operasyon contra sa illegal drugs.
Pig confirmar an informasyon na ini ni PDEA Provincial Agent Vidal Bacolod kan Camarines Norte.
Kan Febrero 18 matanga, pinaisi na an saindang opisina na nawawara si Barba.
Nakua an saiyang bangkay sa nakabulukon sa sarong canal sa Brgy. Napolidan, Lupi.
Segun sa naheling sa autopsy report, pinagpara banog ngona si Barba, base sa mga lugad asin pasa sa saiyang lawas.
Anas sa payo an tama kan bala na pinaputok kan mga para gadan ki Barba.
Nagtutubod an PDEA na ginadan siya huli kan saiyang tabaho.
Afuera kan PDEA an mga miembros kan PNP asin National Bureau of Investigation an tarabang sa pag tipon nin informasyon para makua an mga responsable sa krimen.

Popular Posts

News

Government

Education

Features

Powered by Blogger.