Kandidatong Vice mayor sa Masbate, dinakop kan NBI sa casong murder


CLAVERIA, Masbate (Bicol Standard) - Dinakop kan mga tawohan kan NBI si Brgy Capt Vincent Capinig, kandidatong Vice alkalde kan banwaan na ini huli sa casong murder na saiyang inaatubang.

Si Capinig sinangatan nin casong murder huli sa sahot na pag gadan kan 14 anos na aking lalaki.

Segun sa report, an NBI Task Force Chief Gerals Jeralde nagsabi na si Capinig, na dating miembro kan Philippine National Police-Special Action Force (PNP-SAF) inarestar kan Lunes (Feb 25) sa Legazpi City.

Kan madakop si Capinig kan mga tawohan kan NBI, may nakua pang badil sa saiya, sabi ni Jaralde.
Kakasohan pa siyang illegal possession of firearms.

Sabi ni Jaralde, si Capinig inarestar susug sa mandamiento de aresto na pinaluwas kan 2011 ni Pasig City Judge Rowena Modesto San Pedro.

An casong murder nangyari kan Dec 9, 2010 sa pag gadan ki Bryan Abroguena na 14 anyos pa sana an edad kan ginadan.

Trending

Powered by Blogger.