Art Workshop

Art Workshop

Guardya sa BJMP Tigaon, nagwala, inarestar sa Naga


NAGA CITY (Bicol Standard) -- Yaon na sa laog kan carcel digdi sa Naga City an sarong oficial kan Bureau of Jail Management and Penology (BJMP) na ipig reklamong nagparapaputok kan saiyang badil kan Sabado (Feb. 2).

An saiyang pangaran iyo si Jail Officer 3 Reynaldo Nicolas y Generoso, 41, may agom, asin residente kan Bagumbayan Sur, digdi.

Base sa report kan Naga City Police Office, ipig osip si Nicolas sa mga awtoridad kan salang gibo kan mga kataraid man sana ninda sa harong, sa Bagumbayan Sur.

An incidente nangyari poco mas o menos alas 9:25 nin banggui.

Huli kan disturdo sa communidad, nagpadara tulos nin mga miembros kan SWAT an NCPO para arestaron an suspect.

Alagad, nakisuway pa guiraray siya na mag suko sa mga pulis.

Pakalihis nin pirang minutos, nadakop si Nicolas asin binitbit pasiring sa hepatura kan pulis para imbestigaran.

Confirmado kan mga imbestigador na an suspechado empleado sa BJMP asin nakadistino sa Tigaon District Jail.

Sinangatan na siya nin mga kaso arog kan illegal discharge of firearms, resistance and disobedience sa mga awtoridad asin pagbalga kan RA 10591, o illegal possession of firearms and ammunition.
Pwedeng problema sa familya an causa kan saiyang pag-wala.

Trending

Powered by Blogger.