Dir Nuyda kan DILG nagpatanid sa mga Local Officials na mabalga kan Election Laws



LEGAZPI CITY -- An Department of Interior and Local Government (DILG) Bicol pinaguiromdom kasuodma an mga kandidato na sunodon an mga reglamento kan Commission on Elections (Comelec) ta kun dai, segurado sindang magkakaproblema.

Ini an patanid na binutasan ni Regional Director Anthony Nuyda kan makipag olay kasuodma sa media.

Hinapot si Nuyda kun ano an saiyang mensahe sa mga lokal na mga kandidato sa maabot na election sa Mayo 13, asin ini an saiyang itinaram.
Tinawan nin doon ni Nuyda na kaipohan otobon na entero kan mga kandidato an gabos na reglamento mapadapit sa lugar na pwede asin dai pwedeng bugtakan nin campaign material o posters, na iyo an mayormenteng pig rereklamo kan mga tawo ta ramog nang entero an mga poste, mga kahoy sa guilid kan tinampo, asin maging mga edificio na sadire kan gobierno.

Katuwang kan DILG sa pag enforsar kan mga reglamento sa election iyo an Department of Environment and Natural Resources (DENR) asin an Commission on Elections (Comelec).
Kasabay kaini, pinatanidan kan director an mga empleado kan mga LGUs na dai mag-sawsaw sa kampanya o mag imbuelto kan saindang sadire sa "partisan political activity" ta prohibido ini sa reglamento kan Civil Service Commission o CSC.

Popular Posts

News

Government

Education

Features

Powered by Blogger.