Dai magtao nin cuarta sa mga NPA -DILG


NAGA CITY (Bicol Standard) -- Pig mamansayan ngonian kan mga tawohan kan DILG digdi sa Camarines Sur an mga kandidato arog kan mga lokal na official kan gobierno kun sisay sainda an ma-tao nin cuarta sa mga rebeldeng NPA, sa nagpapadagos na suboot extortion activiers kan nasambit na grupo.

Ini an pinaluwas na report kasuodma, pakatapos na confirmaron kan intelligence community na igwa pang mga lokal na kandidato an napipiritan o boluntar na nagtatao nin ayuda sa mga NPA, na naghahagad nin suborno, para tawan sinda nin bwelo na magkampanya sa nagdadangadang na election.

Segun sa pahayag ni Melody Relucio, an provincial head kan DILG sa Camarines Sur, dai sinda nag oontok sa pag hinirib para makakua nin informasyon kun sisay sa mga kandidato an nakiki cooperar sa mga rebelde, sa paagui nin pagbayad nin cuarta sa mga kalaban kan gobierno.

Ginibo ni Relucio an pahayag na ini pakatapos na confirmaron ni DILG Sec Eduardo Año na igwa sinda nin pugol na listahan kan mga nagtatao nin cuarta sa NPA sa barangay, muncipal asin maging sa provincial level.

Mayo man nin sinambit na pangaran kan mga local officials na pinaluwas an DILG.

Trending

Powered by Blogger.