Art Workshop

Art Workshop

71% kan reklamo sa Ombudsman, nai-file sa Sandiganbayan



MANILA -Nasa 71% kan mga reklamo na isinansangat sa Office of the Ombudsman an naka-abot sa Sandiganbayan kan 2018, sabi sa annual report kan Anti Graft Court.

An Ombudsman nag file nin 739 na caso sa kabilogan kan nagtalikod na taon -- an limang bulan digdi, si Ombudsman Samuel Martirez na an nakatukaw sa pwesto.

Segun sa pahayag ni Martirez nagsugo siya sa officina na mag gibo nin imbentaryo kan gabos na caso sa lindong kan fact-finding investigation, an nag order kan dismissal kan dismissal kan mga reklamo na labing sarong taon na an naka agi, "without prejudice" sa pag file guiraray kan caso.


Poon kan pagtukaw ni Martirez sa pwesto, dakul na an saiyang inaprobaran na caso na imbuelto an mga nakatukaw na official kan gobierno, na parte kan mga nawalat na reclamo asin backlog kan panahon ni dating Ombudsman Conchita Carpio Morales.

An pagbalga kan Anti-Graft and Corrupt Practices an nanginotan sa numero kan mga casong pig file kan 2018 na may 341 gabos, sunod an malversation na 144, asin falsification na 115 an numero.


Mientrastanto, dinismiss kan Sandiganbayan an nagkapirang caso kan sarong taon, na nag abot sa 15%.

Trending

Powered by Blogger.