16 anyos nag-suicide huli sa makuring pungaw



SORSOGON CITY (Bicol Standard)-- Tinapos na lugod kan 16 anyos na estudiante an saiyang buhay nin huli sa labi-labing problema sa pamilya na nasalakan pa nin mga lagapak na marka sa pag eskwela sa Irosin, Sorsogon.

Mantang tagob nin problema an saiyang buhay, ipinahayag niya an saiyang maludok na pagmundo sa saiyang Facebook account, na an pinaka ultimong mensahe antes na magpatiwakal iyo an mga tataramon na "Yawkunapar, Loveyouall", na an gustong sabihon "Ayaw ku na Par, I love you all."

Nagluwas an post na ini alas 2:30 nin hapon, alagad an saiyang gadan nang lawas nadiscubre alas 4:30 nin hapon, kan sarong aldaw.

Sabi kan imbestigador kadakol na mga pig post sa Fb na mensaha an 16 anyos na estudiante, antes mag suicide, arog kan "Ama, Yan yoong meron ako pero wala sa sa tabi ko". Ina, yan yong meron sila na wala ako".

Naaraman sa report kan imbestigador na mayo nang magurang an biktima asin an nag aataman iyo an saiyang lola.

Pig plano talaga kan biktima si saiyang pag suicide, ta igwa siya kan siring na mga posts: ‘’Im just waiting for my death, Im tired, seriously’’ at ‘’Someday, pagpupuyatan niyo din ako, di man ngayon pero sa burol ko.’’

Popular Posts

News

Government

Education

Features

Powered by Blogger.