Preparasyon sa Palarong Bicol nagpapadagos



MASBATE CITY (Bicol Standard)-- Haros 80% nang preparado an Masbate para sa Palarong Bicol 2019.

An Department of Education Bicol, sa paagui ni RD Gilbert Sadsad nagsabi na nag meeting na siya sa mga miembros kan technical officials sa Masbate para tukaron an ibang preparasyon sa Palarong Bicol na mapoon sa fecha 24 kan Febrero.

Inomaw ni Sadsad an mga oficial kan DepEd Masbate sa amay na preparasyon katuwang an mga lokal na official, para maseguro na magiging matriumfo an sinambit na pang rehiyon na karawat.

Mientrastanto, preparado na ngonian an mga lugar na kakawatan kan mga atleta hale sa 6 na provincias kan Bicol.

Ginigibo na an preparasyon para sa pag abot kan mga delegado hale sa man laen-laen na lugar kan Bicol sa Masbate.
Powered by Blogger.