Tuesday, January 15, 2019

P4.7-M na droga, nakumpiscar sa Naga City


NAGA CITY (Bicol Standard)--Mas hararom na pag siyasat an ginigibo kan pulis digdi, paakatapos na makacompiscar an mga awtoridad nin pig dakulang supply nin pigtutubodan na shabu sa sarong buy bust operation.

Segun ki Sr Supt. Felix Servita Jr., an hefe kan Naga City Police Office (NCPO), dakulang tabang an mga informasyon na naguno hale ki Jude Lizano y Alegre, an sinasabing dakulang supplier nin shabu digdi, pakatapos na madakop siya sa matriumfong buy bust operation kan Sabado (Enero 12), sa Brgy. Calauag.

An carculo kan pulis an valor kan shabu na nakua ki Lizano sa buy bust operation dai makulang sa P4.7 million, nin huli ta labing sarong kilo an gabat kaini.

Inako ni Lizano na an shabu na nakua saiya kinukua saiya kan ibang mga paratinda kan contrabando, asin dinadara sa ibang mga ciudad asin banwaan kan Bicol.

Kabale sa parateng nagtutuyo saiya iyo an dai suboot niya bistadong lalaki na iyo an nagwawaras kan illegal drugs sa Tabaco City, sabi ni Lizano.

Ini an pig confirmar sa Bicol Standard ni SPO2 Tobias Bongon, sa intrevista saiya.

Mientrastanto, may nakalkal na informasyon an mga awtoridad na an shabu na pinapadara sa Naga City hale pa sa distributor na nasa laog kan New Bilibid Prisons.

Si Lizano, aki nin sarong barangay Tanod sa San Felipe, Naga City, alagad pirang bulan nang nag aarkila nin estaran sa Brgy. Calauag, Naga City.

May nakuang informasyon an mga awtoridad na nagsasabing an shabu na naglalakop digdi parte kan nakalusot na illegal na droga na ilinaog sa magnetic lifters, alagad nawara sa Cavite, pirang bulan na an naka-agi.

Nin huli sa mga documentong napasakamot kan mga awtoridad arog kan log book na nakua hale sa suspechado, magiging madali an pag susug kan mga tawo na igwa nin pagkaaram distribusyon kan shabu digdi.
Share:

Featured Post

16 anyos nag-suicide huli sa makuring pungaw

SORSOGON CITY (Bicol Standard)-- Tinapos na lugod kan 16 anyos na estudiante an saiyang buhay nin huli sa labi-labing problema sa pamilya n...