OCD Bicol red alert pa ngonian


LEGAZPI CITY -Padagos na nasa lindong kan red alert status an Office of Civil Defense (OCD) Bicol huli sa danyos na iwinalat kan Tropical Depression Usman.

Siring man inalerto kan ahensya an rehiyon nin huli sa binabantayan na low pressure area (LPA) na nasa luwas pa kan Philippine Area of Responsibility (PAR), para maibitaran an peligro sa buhay kan mga tawo asin propiodad.

Segun ki Director Claudio Yucot kan OCD-Bicol, nakatorohok an saindang atensiyon sa kamugtakan kan maraot na panahon.

Sa masunod na mga aldaw, an OCD magkakaigwa nin disaster risk assessment katuwang an mga ahensiyas kan gobierno para maaraman kun may peligro an arin man na parte kan rehiyon.

Pig linaw kan sinambit na ahensya na bako sanang makusog na duros an pwedeng magdara nin peligro sa buhay nin tawo, kundi maging an makusog na uran, na pwedeng magresulta sa pagbaha asin pag tupag kan daga sa mga lugar.

Trending

Powered by Blogger.