Monday, January 28, 2019

Nakadulag na preso sa Baao, nadakop liwat


NAGA CITY (Bicol Standard) - Yaon na guiraray sa laog kan detention cell kan Baao, Camarines Sur an 20 anyos na detention prisoner na nakadulag kan sarong semana hale sa kulongan.

An saiyang pangaran iyo si Dionesio Boslon Jr. y Garcia, nadakop liwat kan mga awtoridad sa Brgy. Kinalansan, San Jose, Camarines Sur.

An saiyang kaso robbery o pananalakat.

Sabi sa record si Boslon taga Brgy. La Medalla, Baao, Camarines Sur, nalalangob sa selda, alagad nakadulag kan Enero 15, 2019, poco mas o menos alas 6:30 nin bangui.

Nagluluwas sa report na sinugo kan warden an suspechadong si Boslon na mag apon nin basura, pero dagos na siyang nagdulag.

An sabi sa report, inibahan man kuta siya kan warden na nasa duty bilang desk officer, alagad may nag apod sa telephono kan pulis kaya binayaan niya sa luwas kan carcel an priso.

Nadakop man guiraray si Boslon kan tarabang na fuerza kan Baao MPS asin San Jose MPS, na pinanginotan ni SPO1 Jeffrey Tabayag asin SPO4 Mario Coral sa saiyang tinatagoan na barangay.
Madadagdagan pa an kaso ni Boslon, nin huli sa pagdulag niya sa mga awtoridad.
Share:

Featured Post

16 anyos nag-suicide huli sa makuring pungaw

SORSOGON CITY (Bicol Standard)-- Tinapos na lugod kan 16 anyos na estudiante an saiyang buhay nin huli sa labi-labing problema sa pamilya n...