Tuesday, January 15, 2019

High value target sa shabu, dakop sa Iriga City


NAGA CITY--Nadakop na kan pulis an pig pigtutukdong ika anom na high value target na imbuelto sa illegal na droga sa Iriga City, kasuodma.

An saiyang pangaran iyo si Armando Marpuri, residente kan Zone 1, Brgy. San Francisco, Iriga City.
Rinamalan siya kan mga awtoridad pakatapos na servehan nin search warrant sa saiyang residencia.

Afuera ki Marpuri dinakop pa an saiyang duwang aki na iyo sinda Joseph asin Karen Marpuri, patin an tulong pag-iriba nindang pag-iriba na sinda Jordan Ibarrientos, Erick Marfin asin Jomar Buasan.

Segun ki P/Supt Chito Oyardo, an hefe kan Iriga City PNP, naabotan an mga suspechado na nag-rerepack nin pig tutubodan na shabu na nagkakantidad P100,000.

Idinagdag kan mga awtoridad na an nasambit na grupo kabale sa nagdidistribuir nin illegal na droga sa mga banwaan sa Rinconada asin pag-taraid na mga lugar.

Afuera kan illegal na droga, nacompiscar pa sainda an sarong calibre .38 na badil asin mga bala.
Maatubang sinda nin casong pagbalga sa casong illegal possession of drugs, pag-mantinir nin drug den asin illegal possession of firearms.
Share:

Featured Post

16 anyos nag-suicide huli sa makuring pungaw

SORSOGON CITY (Bicol Standard)-- Tinapos na lugod kan 16 anyos na estudiante an saiyang buhay nin huli sa labi-labing problema sa pamilya n...