Thursday, April 26, 2018

'Barefoot runner' na taga Baao, tinawan premyo kan LGU


BAAO, Camarines Sur (Bicol Standard)-- Kinarigos nin pag omaw kan Lokal na Gobierno kan Baao, Camarines Sur an 30ng mga atleta na hale sa saindang banwaan, na pinanginotan kan nabistong “barefoot runner” na nadara nin honra sa enterong Kabikolan.

Kabale sinda sa delegasyon kan Bicol sa 2018 Palarong Pambansa.

Nanginot sa tinawan nin certificate of recognition an gold medallist na si Lheslie de Lima, si Ronalyn Casco asin Mark Lincel Icutan, na pareyong nakakua nin bronzing medalya asin an 30ng mga atleta na gabos hale digdi.

Afuera kan mga atleta, presente man an mga coaches na igwa man nin certificate of recognition.

Afuera kan mga certifico, an tulong (3) mga medalists tinawan man nin premyong cash kan LGU.

Mientrastanto, sa pakipag olay sa media, sinabi ni De Lima nakatipon siya nin premyong P25,000 na cash, na gagamiton kan saindang familya sa paghirahay kan saindang harong na naraot kan nag-aging kalamidad.

Ipig rukyaw an sinambit na kapanganahan sa paagi nin halawig na motorcade sa mga banwaan kan ika limang distrito kan Camarines Sur.
Share:

Environmental advocates quiz 'No Objection' resolution on cutting of Naga City trees



NAGA CITY (Bicol Standard) -- A coalition of volunteer environmental advocates is opposing the indiscriminate cutting of trees in Naga City by the Department of Public Works and Highways (DPWH) and the Department of Environment and Natural Resources (DENR) with support from the City Government. 

In a letter to the officials of the local government unit of Naga furnished to the Bicol Standard, the group sought answers to the following questions and a clarification of the position and processes with regard to people participation in policy formulation and decision-making:

"a. Was there any informed public consultation prior to the SP’s adoption of a `NO OBJECTION’ Resolution on March 20, 2018?
b. Why was the NO OBJECTION to the DPWH projects sought during the CDC meeting on April 12, 2018 when the SP had already adopted a NO OBJECTION expression on March 20, 2018? 
c. Did the SP present any evidence-based data for the SP NO OBJECTION Resolution during the CDC meeting?
d. Did the SP City Development Council consider at all the on-going protest against indiscriminate cutting of trees in Naga roads by civil society constituents?"

The group furthermore underscored that as civil society constituents, "we do not simply oppose. We take proactive and productive actions when good governance is threatened. We honor the genuine meaning of `People Empowerment’ as stated in the Naga City’s Empowerment Ordinance No. 95-092 of 1995."

"As such, and for love of Naga City, we have undertaken the following initiatives not only to prevent indiscriminate cutting of trees in Naga roads but also to contribute to the process of achieving effective environmental governance:

1. Submission of a Petition Letter
2. Tree Planting along Magsaysay
3. Inventory of Philippine Native Trees
4. Proposed Pedestrian-Friendly Road Design
5. Ocular Inspection together with DPWH and DENR
6. School Forum"

It would be recalled that Resolution No. 2018-323 or "A resolution expressing no objection to the cutting of affected trees of various kinds that may be found along the road right of way or which may be affected by road-widening projects of the Department of Public Works and Highways along Maharlika Highway, MT Villanueva Avenue, San Felipe-Pacol-Carolina-Panicuason Road, and such other national and major roads within the traditional jurisdiction of Naga" was passed earlier this month by the Sangguniang Panlungsod of Naga.

Meantime, in a Facebook post, Mayor John Bongat explained:

"1) There are no 1,000 trees to be cut by City Hall;

2) The city will not cut any tree. If at all, it is the DPWH, being the one requesting it;

3) The approving authority re requests of such nature is not the city govt but the DENR, after compliance with legal and environmental conditions;

4) The standing policy of the city govt is tree relocation, not tree cutting, where a tree for instance already poses danger to life and limb, a bounden duty it must perform;

5) All of these road widening projects of national roads was started during the Pnoy administration and is being pursued by the Duterte govt, thru the DPWH, with the primary aim of promoting public good;

6) Naga happens to be one of thousands of localities nationwide traversed by these highways, and elsewhere in the country, road widening of highways is happening left and right and has affected trees in the process;

7) I have advised the Sangguniang Panlungsod to hear the sentiments of sectors in the city opposing DPWH projects resulting in clearing of obstructive trees

 8) While it is true that the city council did not object to such road widening by DPWH, and in effect to tree relocation or clearing affected thereby, the decision is based on their sound judgment as, for instance, it will necessarily address the worsening traffic condition in these roads in particular, networked with the rest of the city's major thoroughfares to improve traffic management and minimize congestion, an issue that has gotten the ire not only of some but of all sectors

 9) I have advised the Sangguniang Panlungsod to rehear issues being raised by some sectors and broaden consultative mechanisms regarding divisive issues like tree relocation or clearing, a matter they have graciously heeded."
Share:

5 nakatakas na preso, nanghold up nin bus sa Masbate


ni Vince Villar

Masbate (Bicol Standard) – Hinoldap kan limang mga takas nin presuhan an sarung pampasaherong bus na may lunad na 39 na pasahero sa Aroroy, Masbate.

Sa report na naka-abot sa Police Regional Office 5 sa Camp General Simeon Ola, 10 sa 39 pasahero an nakuanan nin kwarta apwera pa kan iba pang mamahalon na gamit arog kan cellphone.

Binisto an mga biktima na sinda Geraljean Rabino, na nakuanan nin P200.00; Dominguito Dela Cruz, konduktor kan bus na nakuanan nin P50,000; Acer Batuigas, na nakuanan nin P4,000; Lany Romblon na nakuanan nin P1,800; Ronald Ross, sarong sekyu na nakuanan nin P2,000 asin cellphone; Mae Ross Ronavie Espinosa, sarong Maestra, na nakuanan nin P800 pesos, atm, asin PRC ID; Haide Guioguio, na nakuanan nin cellphone; Jobert Royo, sarong estudyante na nakuanan nin P150; Jocelyn Royo na nakuanan nin P1,200 asin Voters ID; asin Rosalina Royo na nakuanan man nin P500.

Sa imbestigasyon kan Aroroy Municipal Police Station, mantang pigbabyahe kan Emmanuel bus an kalsada sa parteng Brgy Bacolod, kan naunambitan ng banwaan, kan ini harangon kan mga suspek saka nagdeklarar nin hold-up.

Kan mag follow up an pulisya, nabisto an mga suspek na mga takas kan Masbate Provincial jail.

An mg aini iyo sinda Joshua Tumlod y Fenis, 22 anyos, soltero, taga sitio Curahao Brgy Panique, Aroroy, Teddy Tumlod, 35 anyos; Jomar Tumlod y Montealegre, 25 anyos asin duwang dae pa nabibisto.

Sa presente padagos pa an ginigibong hot pursuit operation ngani madakop an mga suspek asin maibalik sa kulungan.
Share:

Bordado, holdover president kan CBSUA


MANILA (Bicol Standard) – An Board of Regents (BOR) kan Central Bicol State University of Agriculture (CBSUA) nagkaigwa nin emergency meeting kasoodma asin nag aprobar nin bagong resolution na nag mimidbid ki Georgina J. Bordado bilang holdover president kan universidad.

Si enot na resolution na nagdesignar saiya bilang Officer in Charge (OIC) an pig tunaw na kan BOR.

Maroromdoman na an appointment ni Bordado bilang Presidente kan CBSUA, nag paso na kan Abril 2, 2018.

Nin huli kaini, nagkaigwa nin problema ta susug sa CMO 16, dai na pwede na i-appoint siya nin saro pang turno ta dai siya nakua an double outstanding na boto hale sa evaluation committee asin sa Board of Regents.

Sa meeting kan BOR pig kwestyon ni Bordado an suboot legalidad kan CMO 16, na iyo man lang si ginamit niya kan pag-apply bilang president kan eskwelahan.

Nabukasan an pwesto kan presidente kan universidad kan si Atty. Marito Bernales, an dating Presidente kan CBSUA, dai nakakua nin double outstanding na marka.

An tema sa pagtukaw ni Bordado bilang OIC kan CBSUA an pigtukar sa BOR meeting.

Durante kan meeting hinagad kan BOR an opinion kan Legal Department kan Commission on Higher Education, kun ano an tama na gibohon sa siring na sitwasyon.

Nag recomendar an CHED na sunodon an desisyon kan Supreme Court na sa siring na sitwasyon, na mantang mayo pang napipili na bagong presidente, an nakatukaw iyo ngona an mapadagos sa pwesto base sa inaapod na “holdover capacity.”

Mantang mainit an issue na ini, an Commission on Higher Education, Legal Department kan CHED, pati na an Office of the Solicitor General nag promisa na matiripon tulos sinda para resolveran an problema.



An meeting kan BOR ginibo poon alas 2:00 hasta alas 5:00 nin hapon sa Central Office kan CHED.

Share:

Wednesday, April 25, 2018

Ama asin ina, tinadtad nin taga kan aki na may diferencia an isip.


NAGA CITY 4/23/18 (BICOL STANDARD) – Sarong lalaki na suboot may deferencia an pag-isip an suspechado sa pag gadan kan saiyang mga magurang sa Barangay Mabuhay, Siruma, Camarines Sur.

An victima iyo sinda Ricardo Cordial, 63 anyos asin si Leusarin Cordial, 61 anyos,mantang an suspechado iyo si Rey Cordial, 27 anyos, carnal na aki kan mga victima.

Segun sa pagsiyasat kan mga pulis, nagbalinghaw an suspechado antes na mangyari an krimen.

Sinaway suboot siya kan saiyang ina na si Leusarin asin inagaw pa ngani an sundang na ginamit na armas kan suspechado.

Labing sarong oras an nakalihis, nareparo kan saindang mga kabarangay na gadan na an mag agom na si Ricardo asin Leusarin, na tadtad nin tama taga sa man laen-laen na parte kan saindang lawas.

Nadiscubre an mayo nang buhay kan mag agom sa sarong payag-payag, sa may kuprasan, na pareyo nagkakarigos nin dugo.

Mientrastanto, dai naghaloy naaresto an suspechado kan mga residentes kan barangay.

Kan siya dakopon, ramog nin dugo an saiyang sulot na bado.

Nagluluwas sa imbestigasyon na may deferencia sa pag-isip an suspechado.

Sa presente, yaon siya sa carcel mientras na nakatalaan na magkaigwa nin medical examination kun kaipohan siyang darahon an suspechado sa Mental Hospital.
Share:

Recall election sa Caramoan, gadan na


NAGA CITY 4/24/18 (BICOL STANDARD) Biglang napara an paglaom na madagos an recall election sa banwaan kan Caramoan, Camarines Sur na imbuelto an pwesto ni Mayor Marilyn Cordial.

Sabi sa official na report ni Ronald Beltran, an Acting Election Officer kan Caramoan, natapos na sinda sa pag verificar kan mga firma asin thumb marks kan mga suboot naghohorot na ipa-recall si Cordial kan fecha 23 ngonian na bulan.

An resulta kan verificar, harayo na maray sa kinakaipo na valido na firma kan mga elector tangani na magkaigwa nin recall election.

Sabi ni Beltran ginibo an verificasyon kan fecha 11, 12, 13, 16 17 asin 18 ngonian na bulan.

Kuta na, an kaipohan na firma para madagos an recall election 6,399 gabos, nin huli ta ini an 20% kan gabos na rehistradong elector kan banwaan.

Sinabi pa sa report, enot kaini, na an petitioner para sa recall election na si Marilyn Hernandez-Co nag presentar nin 9,143 na mga firma kan mga elector.

Alagad, kan ginibo an saro-sarong verificasyon kan mga firma asin thumbmarks, 2,846 sana an valido o 8.9 porciento sana kan hinahagad kan ley.

An ibang mga firma, palsipicado, o bako man firma kan elector.

Mientrastanto, may natada pa kuta na 987 na mga firma na dai pa na verificar.

Pero, sabi ni Beltran, maski pa i-dagdag pa gabos ini, maabot sana sa 3,833 an total na firma, o 11.98%, na kulang na maray sa hinahagad na 20% para sa recall election.

Nin huli kaini, mayo nang paglaom na madagos pa an pig hohogop-hogopan na recall election sa banwaan kan Caramoan, Camarines Sur.
Share:

3 katawo, kabale an suldados asin security guard, dakop huli sa gun ban sa Albay


ni Vince Villar

Ligao City, Albay (Bicol Standard) - Arestado an tulong lalaki,kaiba an sarung suldados asin saru pang security guard sa syudad nin Ligao, Albay, kasubanggi huli sa pagbayular kan mga ini sa ipinapautob na election gun ban asin illegal possession of ammunition.

Sa report kan Ligao City Police Station, binisto an mga naarestar na sinda Jaymar Mora y Madaraog, 28 anyos, Security guard; Celso Mora y Ortile, 23 anyos, paraoma asin Jeffrey Mora y Magdaraog, 29 anyos, soltero, miembro kan Philipine Army na naka assign sa 92nd Division Recon Company sa Brgy. Paulba, Siyudad nin Ligao, gabos residente kan Brgy Cabraran Grande, Jovellar, Albay.

Segun sa report, alas 10:25 kasubanggi kan magreport si Brgy Captain Dexter Tuazon kan Sta Cruz sa naunambitan ng syudad sa mga pulis na igwa nin tulong mga persona na sakay nin motorsiklo na nagpaputok nin badil asin duminulag pasiring sa direksyon kan banwaan nin Oas.

Tulos na nagsagibo nin hot pursuit operation an Ligao CPS asin naarestar an  na nagresulta nin pagkaka arestar sa sinambitan na mga persona. 

Narecover sa sainda an Armscor caliber 45 asin an motorsiklo na ginamit sa pagdulag.
Share:

Sunday, April 22, 2018

3 dating official kan DPWH Bicol, kinasohan sa Sandiganbayan


MANILA -Tulong dating official kan DPWH Regional Office sa Bicol an sinangatan nin casong pagbalga sa Anti Graft and Corrupt Practices Act huli sa sahot na maanomaliyang contrata sa pagpa-arkila kan mga vehiculo kan department.

An mga kinasohan kan Office of the Ombudsman iyo sinda dating DPWN Regional Director Eleno Colinares Jr., district engineer Gilbert Olfinco asin treasurer Teresita Demabasa.

An casong isinagat contra sainda sa Sandiganbayan iyo an pagbalga kan Sec 3 (e) kan RA 3019, o an Anti Graft and Corrupt Practices Act.

An kaso ipig sunad sa Sandiganbayan kan Abril 6, 2018.

Si Lioson Cime an pinangaranan na respondent sa casong ini.

Segun sa akusasyon sainda kan graft investigation and prosecution officer na si Maricel Quilates, an mga dating DPWH officials naglaog sa contrata ki Cribe poon kan Marso 1999 hasta Abril 2002, sa kantidad na P899,178.

Sabi kan mga imbestigador kan Ombudsman an nasambit na contrata dai awtorisado kan DPWH asin mayo nin budget appropriation.

An Ombudsman nag rekomendar nin fianza na kantidad P30,000 an kada saro sainda.
Share:

Nan-siko nin pulis sa check point, binitbit sa presinto


SORSOGON CITY – An empleado kan sarong hospital digdi an pwedeng mag atubang nin casong Direct Assault asin disobedience upon a person in Authority, pakatapos na sikohon niya an pulis na nadistino sa check point, digdi.
Sabi sa report, si Aldin Caubang, pinara kan mga pulis mantang sa lindong kan Oplan Sita, na parte kan security measures na ginigibo sa lugar.

An incidente nangyari sa Barangay Salog, mantang an imbueltong mga awtoridad distino sa Precint No. 2.

Base sa report, kan pinara si Caubang para sa regular na ginigibong pag inspection sa mga nag-aaging vehiculo, dai siya naka presentar kan papeles kan itom na motorsiklo na saiyang pig mamaneho na mayo nin plaka.

Maisog na naki suway si Caubang, nagsayuma na magpaheling nin maski anong pwedeng pagkabistohan saiya, asin agresibo pang siniko si PO2 Annabelie Constante, na tinamaan saiyang toong takyag.

Nin huli sa pakisuway sa mga pulis, binitbit lugod siya sa hepatura kan pulis tangani na imbestigaran asin sangatan nin magkakanigong asunto criminal.
Share:

Pulis, gadan sa aksidente



NAGA CITY – Mayo na nin buhay kan makaabot sa hospital si PO1 Jhun Jhun Pastorco, 29 anyos, na biktima nin aksidente sa Gov. J. T. Fuentebella highway sa Barangay Ayugan, Ocampo, Camarines Sur.

Si PO1 Pastorco nakalunad sa motorsiklo na nakabudal sa truck na naka pondo sa tahaw kan tinampo, pakatapos na mag abereya an makina.

Sabi kan imbestigador, posibleng dai narisa kan biktima an truck na pig mamaneho ni Roberto Hermogenes ta mayo nin early warning device sa likodan kan raot na vehiculo.

Pag abot sa hospital sa Naga City, ipig declarar kan hospital na dead on arrival an nadisgraciang pulis.

Pugol kan mga awtoridad an driver kan raot na truck, mientras na pighahalat an pag sangat sa saiya nin kaso.
Share:

“Shabu” kantidad P300,000.00 nadakop sa Naga City



NAGA CITY 4/21/18 (BICOLSTANDARD) – An mayong hotahot na kampanya kan mga miembros kan Philippine Drug Enforcement Agency (PDEA) sa Camarines Sur na pinamayohan ni Agent Vidal DC Bacolod an nakadakop na naman nin saro pang pusikit na paratinda nin druga kasubagong aga, Abril 21.

Si Ronald Patasin y Besmonte, dai naka palag sa mga tawohan kan PDEA sa tabang kan mga pulis na nagsakyada sa saindang lugar sa Zone 1, sa Barangay Triangulo digdi.

An shabu na nadakop hale ki Patasin nasa laog kan sarong silag na plastic bag, na carculadong may gabat na 50 gramos.

Kun ipapabakal nin tingi-tingi, pwedeng aboton na P300,000.00 an kantidad kaini.

Afuera kan sarong bulto nin shabu, narecover pa kan mga awtoridad an cuarta na ginamit bilang buy bust money hale sa poder kan suspechado.

Si Patasin saro sa mga supplier nin shabu digdi na haloy nang pig susunod kan mga ahentes kan PDEA.

Pig pepreparar na ngonian an magkakanigong kaso na isasangat contra sa saiya.
Share:

Featured Post

14ng pasahero sa jeep na nahulog sa Tinambac, salbado na

TINAMBAC, CSur - Binasol ni Municipal Councilor Jonas Soltes an Department of Public Works and Highways (DPWH) sa saindang kapabayaan n...