Saturday, December 15, 2018

Treasurer's Office kan Prieto Diaz, Sorsogon sinalakat; P755 k an cuartang nawara



SORSOGON - Sinalakat nin dai bistong tawo an Municipal Treasurer's Office (MTO) kan Prieto Diaz, Sorsogon, asin nahabon an kantidad P755,147.86, na para kuta sa sweldo kan mga empleado.

Segun sa report na naguno ipinaabot sa pulis, si Ronnie Dionela, an acting na Tesorero Municipal kan banwaan na nasambit, iyo an naka discubre na bukas na an saiyang opisina asin mayo na saray niyang na cuarta sa laog kaini.

Malinaw sa imbestigasyon na pig fuersa na binukasan kan para habas an bintana kan opisina sa paagui kan pag gi-at kan bintana, na ginamitan nin steel bar.

Hasta ngonian nagpapadagos an imbestigasyon.

Mayo pa nin suspechado sa krimen na ini.

Makuri an paghadit kan mga empleado kun saen sinda makua nin cuartang panribay sa nawarang kantidad para sa sweldo kan mga tawo.
Share:

Featured Post

Suspects in marijuana trade arrested at dormitel in Naga City

NAGA CITY (Bicol Standard) – Two 22-year-old residents of Iriga City were arrested in a buy-bust operation at Orange Dormitel at Barang...