Pulis, Army sa Bicol nasa full alert ngonian


LEGAZPI CITY (Bicol Standard) -- Ibinugtak sa full alert an gabos na police sa Bicol Region kasunod kan serye nin pag atake kan mga communistang New People's Army (NPA).

Segun ki Chief Supt Arnel Escobal, PNP Regional Office V chief, an mga NPA nag lansar nin serye nin pag-pamate sa mga police stations, sarong mobile force company asin sa sarong grupo nin mga soldados, digdi sa Bicol.

May posibilidad na mag-atake mga rebelde sa masunod na mga aldaw, kaya pirmeng nasa red alert status an mga pulis, sabi ni Escobal.

Mientrastanto, sarong companiya kan Special Action Force (SAF) an naghuhunting na ngonian kan mga NPA na iyo an responsable sa nasambit na pag atake.

Enot kaini an CPP nag declarar nin "unilateral ceasefire" sa minasunod na mga fecha asin oras:
Alas 12:01 nin aga sa Disyembre 24, 2018 abot alas 11:59 nin bangui sa Disyembre 26, 2018.

Poon alas 12:01 nin aga sa Disyembre 31, 2018 abot alas 11:59 nin bangui sa Enero 1, 2019.

An Communist Party of the Philippines asin an New People's Army (CPP-NPA) macelebrar kan saindang founding anniversary sa fecha 26 ngonian na bulan (Diciembre).

Maroromdoman na an liderato kan Armed Forces of the Philippines (AFP) nagsayuma na mag declarar nin ceasefire sa mga aldaw na pig nag declarar nin unilateral ceasefire an CPP-NPA, nin huli ta segun sainda mayo nin saysay an declarasyon, ta sinusurongan man sana sinda kan mga rebelde maski pa may ceasefire.
Powered by Blogger.