Sunday, December 16, 2018

Nag badil sa Albay broadcaster, kinasohan na sa DOJ


LEGAZPI CITY (Bicol Standard) -- Sinangat na sa oficina kan Procurador sa Provincia kan Albay an casong murder sa pag-gadan sa boardcaster na si Joey Llana, sabi kan Presidential Task Force on Media Security.

An complaint for murder ipig file sa Office of the Provincial Prosecutor kan Albay kan Dec 7 kan Daraga Muncipal Police Station contra ki Erwin Talagtag asin duwang dai pa nabibistong mga suspechado.

Si Talagtag saro suboot na miembro kan notorious na Concepcion Criminal Group, na imbuelto sa robbery hold-up, extortion, asin gun for hire activities sa Bicol, sabi sa report.

Segun sa resulta kan forensic examination na pig sumitir kan Albay Police Provincial Office sa Presidential Task Force on Media Security, an mga kapidasong parte kan bala na hale sa calibre .45 na narecover sa lugar na ginadan si Llana kapareyo kan badil na ginamit sa gadan sa sarong pang persona na imbuelto si Talagtag.

Maroromdoman na an broadcaster na si Joey Llana, binadil asin nagadan mantang nagmamaneho kan saindang awto sa Barangay Penafrancia, Daraga, Albay kan Hulyo 20, aldaw na Byernes.

Binadil an biktima nin 14ng beses gamit an calibre .45, asin saro pang 9mm pistol, mantang nag mamaniobra kan saiyang awto paluwas sa garahe sa Brgy. Penafrancia.

Si Llana nagsapo nin mga tama nin bala sa saiyang payo asin lawas.

Antes siyang badilon naka recibe na ngona siya nin mga huma sa saiyang buhay, dagdag pa sa bareta.
Share:

Featured Post

Suspects in marijuana trade arrested at dormitel in Naga City

NAGA CITY (Bicol Standard) – Two 22-year-old residents of Iriga City were arrested in a buy-bust operation at Orange Dormitel at Barang...