LGU Naga City, stricto sa mga paputok


NAGA CITY (Bicol Standard) -- Pig orolayan kan mga oficial kan LGU Naga asin an 27ng Punong barangays kan Ciudad an mga estratihiya para maseguro na maging matuninong an halawig na holidays, en connection kan pag gamit nin mga rebentador asin pyrotechnics.

Tinawan nin orientation an mga punong barangays kan mga rekisitos sa pagpabakal nin rebentador asin iba pang pyrotecnic products sa saindang mga lugar, sabi kan gobierno lokal kan Naga City.

Siring man, tinawan pa nin briefing an mga punong barangay kan mga lugar na pig designar bilang community fireworks display places sa saindang mga barangays, sabi ni Renne Gumba, an pamayo kan Public Safety Office asin chairman kan Task Force Paputok, durante kan press briefing.

Mientrastanto, an hefe kan Marketing Enterprise and Promotions Office nag rerepaso na ngonian kan mga pig sumitir na mga applications kan mga retailers asin distributors, na saro sa mga rekisitos sa pagpabakal nin mga productong siring kaini kun panahon kun Pasko.

Idinugang ni Gumba na an mga matinda dapat mag agi sa orientation asin seminars na pig organisar kan gobierno lokal kan Naga City asin sa pakikipag tabangan kan Bureau of Fire protection, antes na approbaran an saindang applications asin i-release.
Powered by Blogger.