Gob Rodrigueza preparado maging resource peson sa Congresso

SORSOGON - Preparado si Gov Bobit Lee Rodrigueza kan Sorsogon na mag aparicir sa congresso para maging resource person dapit sa sinasabing dai makulang sa P10 B na infrastructure project na pig iimplementar kan Department of Public Works and Highways na isiningit sa budget.

Sabi ni Rodrigueza, mayo nin problema sa saiya na magbuyagyag kan katotohanan para sa karahayan kan kagabosan, orog kan saiyang nasasakopan.

Haloy na suboot na pig tutukar an issue na ini sa lokal na lebel.

Pero, nasasahotan sana an mga nag didiscutir kan temang ini na "namumulitika" sana kaya mas maray na nagbuyagyag na lugod sa national an issue.

Hinagad lugod ni Gov. Rodrigueza na i-blacklist na lugod an CT Leoncio Construction and Trading en caso maprobaran na igwa man nanggad nin negative slippage sa saindang mga patrabaho.

Naka sentro ngonian an gobernador sa issue kan pag siyasat kan mga ginigibong proyekto kan DPWH sa provincia asin naglalaog na mayo nin "suroholan" na nangyayari.

Nagtutubod an gobernador na an mga congressmen an may pagka-aram kaolay kan DPWH sa issue kan mga proyekto, asin bakong an gobierno probincial na haros mayo man nin poder asin participasyon sa mga patrabaho.