Tuesday, December 4, 2018

DOH Bicol, nagpatanid kontra sa pagamit sa scam kan pangaran kan Regional Director


LEGAZPI CITY (Bicol Standard) -- Nagpaluwas nin abiso an Department of Health Regional Office V na mag-ingat an publiko sa mga nagagamit kan pangaran kan OIC Regional Director Dr. Ernie Vera sa scam.

Segun sa post kan DOH Bicol, nagpapabisto an dai pa nabibistong indibidwal na siya suboot si RD Vera.

Gamit an numerong 0920-286-9918, naghahagad ini na padarahan siya nin cellphone load.

Dangan masagin-sagin pa na makaipo nin catering service para sa man laen laen na pekeng aktibidades kan DOH sa rehiyon.

Sa oficial na pahayag ni Dr. Vera, nunca siya magibo kan siring na pagputik.

Dugang pa kan Regional Director, habo nyang lokohon an mga Bicolano na naglalapigot makakua sana nin kadikit na sweldo.

Sinabi kan DOH Bicol na nasa proseso na ini kan pakipagtabangan sa mga autoridad tanganing masusog kun sisay an may kagibo kan scam na ini.

Dinagdag pa kan oficina regional na gabos na aktibidad kan DOH pinapaagi sa Provincial DOH Offices, Provincial Health Offices, asin ibang health partners.

Dai man naghahagad nin bayad an DOH para sa mga serbisyo kaini.

Kun may informasyon sa nasambit na mga scammer,  mag-apod sana sa 204-0040 o 724-1731 local 551, sabi pa kan oficina.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...