Barangay kagawad kan Paracale, binadil, gadan


PARACALE, Camarines Norte (Bicol Standard) -- Binadil nin duwang dai bistong lalaki si Brgy. Kagawad Lope Elnar y Era, 61 kan P-9, Brgy. Batobalani sa banwaan na ini kasubagong ala 1:00 nin aga, sabi sa report kan puli.

Si Elnar nakalunad sa tricycle kan sina paputokan nin pirang beses sa saiyang lawas, gamit kan mga suspechado an dai aram na kalibre nin badil.

Bigla sanang nagbutwa an mga para gadan hale sa madiklom na lugar kan tinampo, dangan binadil tulos an biktima.

Pakatapos na maseguro kan mga kriminal na may mga mortal nang tama sa lawas an biktima, marikas sindang nagdulag pasiring sa dae maderminaran na lugar.

Idinalagan pa man kuta si Elnar sa Labo District Hospital para ipabulong.

Alagad, pig declarar kan doctor na mayo na siya nin buhay.

Mayo pa nin ideya an mga awtoridad kun ano an motibo kan krimen.

Nagpapadagos an imbestigasyon hasta ngonian.

Trending

Powered by Blogger.