Awto kan Casureco I nakabanga nin 5 anyos na aki sa Pasacao



NAGA CITY - Maswerteng dai nalagarto na nabangaan kan awto kan Casureco I an 5 anyos na aki sa Pasacao, Camarines Sur kasubago.

Segun sa pulis, an awto sadire kan Casureco I, asin pig mamaneho ni Arnold Castaneda, 52 anyos an edad.

Nagluluwas sa imbestigasyon na an aki nagdadalagan ta mabalyo sa tinampo sa Brgy. Caranan, Pasacao, kan masagi kan vehiculo.

Nakabig man kan driver an manibela kaya dai nalagarto an aki.

Mientrastanto, nagsapo man guiraray nin mga rungas an aki sa saiyang lawas kaya idinalagan sa Mother Seton Hospital sa Naga City, para ipabulong.

Pugol pa kan pulis an driver kan awto mantang ginigibo an imbestigasyon.
Powered by Blogger.