Tuesday, November 6, 2018

Task group, mabantay sa mga pantalan sa Bicol


LEGAZPI CITY - Fomal na pig organisar kasuodma an Bicol Integrated Port and Maritime Security task group sa initiatibo kan Regional Peace and Order Council.

Si Mayor Noel Rosal, kan Legazpi City, na iyo an chairman kan RPOC nag firma kan Memorandum of Agreement sa Camp Gen Simeon Ola.

An Bicol Integrated Port and Maritime Security task group pig organisar huli kan incidenteng pagbomba kan Masbate port, na isinasahot na an kag gibo iyo an mga miembros kan New People's Army.

Pinaka mayor na obheto kaini iyo an mag tao nin seguridad asin para maibitaran an terrorist attacks sa mga importanteng mga government installations orog na sa mga seaports, ferry terminals, airports asin iba pang transport terminals sa region.

Segun pa ki Rosal an task grupo mapakusog pang orog kan seguridad sa mga terminals, ta pwedeng ini an kursunadahon na atakehon.

An mayor na pier sa Bicol an consideradong inter island gateway pasiring sa Visayas, asin Mindanao regions.

Ini iyo an mga ports kan Masbate, Matnog, asin Bulan, anas sa Sorsogon asin sa Legazpi City, Tabaco asin Pio Duran, sa Albay.

Kabale sa mga nag firma sa MOA iyo an mga regional directors kan mga ahensiya, kabale an Department of Transporation asin Interior and Local Government, Philippine Ports Authority, PDEA, PNP, Philippine Coast Guard, AFP, Bureau of Customs asin an National Intelligence Coordination Agency.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...