Saturday, November 3, 2018

Sekyu, binadil nin 2ng lalaki, pig bubulong sa BRTTH



LEGAZPI CITY (Bicol Standard) - Pig bubulong ngonian sa Bicol Regional Training and Teaching Hospital (BRTTH) si Noel Del Castillo y Tripulca, nag tatrabaho bilang Security Guard, pakatapos na siya badilon sa man laen-laen na parte kan saiyang lawas kan duwang dai nabistong mga lalaki.

An incidente nangyari sa Purok 4, Brgy. Pe├▒afrancia, Daraga, Albay. 

Segun sa record, nangyari an krimen poco mas o menos ala 1:45 nin hapon (Nov 3).

Nagluluwas sa imbestigasyon na an biktima nagpapahingalo sa balcon kan saindang harong pakatapos na makipag inoman sa saiyang mga paryentes. 

Bigla na sanang nag abot an duwang dai nabistong mga lalaki na iyo an nagbadil sa victima, na tinamaan nin bala sa man laen-laen na parte kan lawas.

Nagpapadagos pa an imbestigasyon kan casong ini, sabi sa report.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...