Tuesday, November 6, 2018

Rosal pabor sa 'total ban' sa rebentador

Retrato hale sa BFP
LEGAZPI CITY (Bicol Standard) -- Kun si Mayor Noel Rosal an hahapoton, mas gusto niyang magkaigwa nin total ban sa mga rebentador ngonian na Disyembre para maging salvado an celebrasyon kan Christmas asin bagong taon.

Durante kan Press Conference kasuodma, sinabi niya na gusto niyang itulod an Sangguniang Panlungsod kan Legazpi City tangani na mag panday nin ordinance na nagpapangalad kan pagpabakal nin maski anong clase nin rebentador sa laog kan ciudad.

Sabi kan alkalde ma issue siya nin Executive Order na maimponir nin ban sa mga rebentador sa gabos kan 70ng barangays kan ciudad, tangani na maka ibitar sa aksidente sa mga barangays.
Gustong arogon ni Mayor Rosal an Davao City, na may total ban sa rebentadorl, abot sa pag sabat kan bagong taon.

Sabi pa ni Rosal, dai siya ma issue nin permit sa mga negosyante na mapabakal nin firecrackets asin maski pa pyrotechnics.

Segun sa data na hale sa Department of Health regional office sa Bicol, igwa nin 29ng caso nin firecracker injuries kan Dec 2017, an lima kaini sa Legazpi City nag hale.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...