Tuesday, November 6, 2018

Rigaton nin shabu, dakop sa Naga City


NAGA CITY (Bicol Standard) -- Nahulog na kasuodmang hapon an saro kan pig coconsiderar na mahigos na maray magtinda nin shabu sa ciudad nin Naga, sa ginibong operasyon kan mga awtoridad sa Sta Cruz, digdi.

An naarestar na suspechado iyo si Erwin Nolasco y Samonte, 33, soltero, waiter, taga Aragon St., Marupit, Camaligan, Camarines Sur.

Tunuklo siya kan mga awtoridad kasuodmang alas 5:25 nin hapon sa Zone 7, Sta Cruz, Naga City.
Sabi sa report kan PDEA, nakua sa poder kan suspechadong si Nolasco an 11ng sachet nin shabu, asin an ginamit na buy bust money, mga pisaran, cash na P2,500 asin iba pa.

Ginigibo pa an kabilogan na imbentaryo kan casong ini, sabi kan PNP.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...