Friday, November 23, 2018

Army, pulis sa Bicol may dagdag na tawohan- Malacanang

Pramis
NAGA CITY (Bicol Standard) -- "Mahalat pa kami sa 9th Infantry Division kun ano an final na direktiba sa bareta na may dagdag na mga soldados na ididistino sa Bicol bilang suporta sa pina-isog na kampanya contra sa insurgencia," ini an sabi ni Army Capt Joah Pramis, an spokesman kan Army igdi.

Segun ki Pramis, an informasyon na hale sa Malacanang dapit sa dagdag na militar, maagi pa sa Southen Command asin pag-oorolayan pa kan saindang mga official an detalyes.

Maroromdoman na nagkapira nang bulan na parateng nagkakaigwa nin encontrada an mga rebeldeng miembros kan New People's Army asin an mga tawohan kan Army.

Maski an mga miembros kan PNP na dai man imbuelto sa combat operation parateng sinusurungan asin tinatambangan kan mga communista.

An pinaka ultimong incidente sa Camarines Sur iyo si nangyari sa Mambulo Nuevo, Libmanan, Camarines sur, na kun saen an mga pulis na nag escort sa medical team na hale sa medical mission sa Brgy. Bagamelon, Libmanan, biktik. Sa sinambit na incidente, 6 na pulis an nagsapo nin mga lugad sa lawas, nin huli sa itinaon na improvised explosive devise (IED), sa agihan kan mga pulis.

Mayo man nin nagadan sa incidente.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...