Sunday, November 4, 2018

1 gadan huli sa bawal na relasyon sa Masbate


MASBATE CITY (Bicol Standard) Nagpapadagos an paghanap nin mga testigo asin evidencia sa nangyaring pagbadil, gadan kan sarong paraoma sa Brgy. Daraga, Placer, Masbate.

An biktima nabistong iyo si Noel Dela Cruz, 35 anyos, taga Brgy. Mahayahay, Placer.

Segun sa deklarasyon ni C/Inp Roel Pedro, an hefe kan Placer MPS, ipig deklarar na mayo na nin buhay an biktima pag abot sa hospital.

Ikinagadan kan biktima iyo an tama nin bala sa payo asin liog.

Mientrastanto, sabi pa sa imbestigasyon, solamente an kopya kan biktima an nakua sa pinangyarihan kan krimen, asin mayo nin naheling na mga capsula nin bala.

Pig rerepaso pa kan mga awtoridad kun ano an motibo kan krimen. Kabale sa iniimbistigaran iyo an posibilidad na nagkaigwa nin bawal na relasyon an biktima asin sarong babae, na agom man sana kan saiyang pinsan.

An deklarasyon na ini hale sa agom kan biktima, sa pakikipag olay kan mga pulis.

Idinagdag pa sa report na pwedeng dakul an nakaheling kan mangyari an krimen, ta harani an lugar sa sementeryo na dakul an tawo, alagad mayo ni saro an gustong magtestigo huli sa pag alangan o takot.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...