Tuesday, October 2, 2018

Taga-Iriga na nagtindang droga sa Naga, tinuklo



NAGA CITY (Bicol Standard) -- Nadakop man guiraray si "Madam Bibi," na an tunay na pangaran Amelia Silvestre, na consideradong high value target sa nagpapadagos na illegal drug operation sa Ciudad nin Naga.

An suspechadong shabu dealer taga Brgy Cristo Rey, Iriga City.

Tinuklo siya sa Brgy. Balatas, pakatapos na pabakalan niya an undercover na ahente kan pulis na nagsagin-sagin na adik na mabakal nin shabu.

Nangyari an operasyon kasuodmang poco mas o menos alas 3:05 nin hapon, sabi ni Supt. Errol Garchitorena, an hefe kan Naga City Police Drug Unit.

Nakua sa poder ni "Madam Bibi" an 100 gramos nin shabu na igwa nin street value nin P680,000.

An suspechado yaon ngonian sa detention facility kan ciudad mientras na pighahalat an pag sangat nin caso para sa illegal possession of drugs, asin illegal drug pushing.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...