Monday, October 22, 2018

'Not guilty,' sabi ni Atty. Isidoro sa caso sa mega shabu lab



MANILA (Bicol Standard) -- An dating acting regional director kan NBI Central Mindanao Regional Office na nag aatubang nin casong conspiracy to manufacture illegal drugs, sa nadiscubreng mega shabu lab kan 2016, nag sabi sa jusgado na "not guilty" siya sa sinambit na akusasyon kasubago.

Si Atty. Augusto Eric Isidoro detinido ngonian sa Makati City Jail poon kan Septiembre kasunod kan order kan Makati City Regional Trial Court.

An mega shabu laboratory nadiscubre kan mga awtoridad kan 2016. Nakua sa sinambit na lugar an kantidad P100 million na shabu asin ephedrine.

An mega shabu laboratory namumugtak sa Brgy. Palta Small, Virac, Catanduanes, suboot pag rugaring ni Sarah Sarmiento. Pina arkila ini ki Angelica Balmadrid, na iyo suboot an kasaroan ni Isidoro.

Si Isidoro nag aatubang nin casong conspiracy to manufacture illegal drugs. Kabale sa akusasyon iyo an minasunod: Xian Xian Wang, Pido Bonito, Paolo Uy, asin Jayson Uy, na at large pa hasta ngonian.

An iba pang akusado, si Lorenzo Pinera II, kinasohan nin possession and manufacture of illegal drugs kaiba an limang ika pang akusado na at large pa ngonian, an mga Uys, Paolo Palisoc, Phung Yuan Estorco, asin Sheng Wang.

Sa mga akusado, solamente si Isidoro asin Pinera an naarestar asin ditinido sa city jail sabi ni Senior Assistant State Prosecutor Juan Pedro Navera, an pamayo kan DOJ Task Force on Illegal Drug Cases.

An caso pig dadangos sa sala ni Judge Selma Palacio Alaras, presiding judge kan Makati RTC Branch 62.
Share:

Featured Post

Bicol PNP nabs 2,701 in anti-illegal gambling ops

LEGAZPI CITY -- For the past three quarters covering the period from January-September this year, a total of 1,079 positive illegal gam...