Tuesday, October 2, 2018

May sadire nin resto bar, GRO, dakop sa buy bust


PAMPLONA, Camarines Sur (Bicol Standard) -- Sinangatan nin caso an sarong GRO asin an kagsadire kan resto bar na nadakop sa buy bust operation kan PNP sa suboot sex den sa Brgy. Tambo, sa banwaan na ini.

An suspechado iyo si Lenie Arnaldo, 32 anyos, asin iyo an kagsadire kan Vince Resto bar na si Antonia Roblo, 39 anyos an edad.

Segun sa pahayag ni S/Insp Greg Bascuna Jr, hefe kan pulis sa Pamplona, inalok ni Arnaldo nin druga an puseur buyer kan PNP sa nagsagin-sagin an customer.

Afuera kan pig tangro na shabu, pig offrecirar pa suboot kan suspechado an pulis na makipag sex saiya.

Digdi na pinusasan si Arnaldo, na tulong bulan pa sanang nag tatrabaho sa bar.

Dinakop man kan mga awtoridad an kagsadire kan bar nin huli ta malinaw na tinugotan niya na magtinda nin shabu sa laog kan saiyang establisimiento.

An casong pig sangat kan mga awtoridad ki Arnaldo iyo an pagbalga sa RA 9165, an Comprehensive Dangerous Drugs Act of 2002.

Mantang si Roblo kinasohan siyang pagbalga kan RA 10364, an Anti Trafficking in Persons.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...