Friday, September 21, 2018

Tato asin Melvin, maorolay sa aga; politika iyo an agenda


NAGA CITY (Bicol Standard) Magkakaigwa nin meeting ngonian na aldaw an kampo kan negosyanteng si Fortunato "Tato" Mendoza asin si Melvin Buenave, ret official kan PNP, tangani na pag-orolayan an dapit sa nagdadangadang na election, sa Mayo 2019.

An baretang ini pig confirmar mismo ni Mendoza sa pakikipag olay kan Bicol Standard.

Mayo nin malinaw na detalyes kan pag oorolayan, kundi inako ni Mendoza na manongod na ini sa politika.

Maroromdoman na haloy nang pig babantog si Mendoza asin si Buenafe na pareyong nag aansyas na magdalagan sa maabot na pirilian, digdi sa Naga City.

Sabi kan informante, bako ini an primerong pag-orolay kan duwa, nin huli ta kan enot pang mga bulan igwa na sindang enot na pig orolayan.

Kan sarong bulan, si Mendoza nagsabi na buhay pa an saiyang plano na magtapsok liwat sa politika, orog nang dakula an oportunidad na mangana sa maabot na pirilian.

Sa parte ni Buenafe, poon pa kan panahon na siya pa an hefe kan PNP sa Bicol, may mga pasabit na siyang tataramon dapit sa plano sa politika.

Pig oolayan pa kan duwa (Mendoza asin Buenafe) kun sisay sainda an madalagan sa cargong alkalde, sabi pa sa report.

Mientrastanto, kun madagos an pagkandidato kan duwa, may mga pangaran nang nagluluwas na gusto na maglinya sainda sa cargong konsehal kan ciudad.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...