Thursday, September 6, 2018

Sobrina ni Miriam Quiambao na si Famaele Nica Quiambao Carriaga, kinoronahan na Miss Bicolandia 2018

Retrato hale sa Naga Smiles to the World
NAGA CITY (Bicol Standard) – Kinoronahan na Miss Bicolandia 2018 si Famaele Nica Quiambao Carriaga sa pinakafamosong beauty pageant sa enterong rehiyon kasubanggi.

Si Carriaga, na nagrepresentar kan Legazpi City iyo an sobrina ni dating Miss Universe 1999 1st Runner-up Miriam Quiambao.

Namundag an beauty queen sa Bacacay, Albay.

Nagklase siya sa Divine Word College of Legazpi sa kursong Bachelor of Science in Management and Accountancy.

Kan nakaaging taon, kinoronahan man siya bilang Mutya ng Ibalong duman sa ciudad nin Legazpi.

Mientrastanto, an ibang mga nanggana iyo sinda:

Krystel Sales kan Naga City – 1st Runner-up

Eryka Vina Tan kan Legazpi City – 2nd Runner-up

Joane Tampoco kan Baao, Camarines Sur – 3rd Runner-up

Asin Denise Omorog kan Catanduanes – 4th Runner-up

An Miss Bicolandia iyo an pigcoconsiderar na pinaka-prestihiosong asin pinakahaloy nang beauty pageant sa rehiyon.

Ini ginibo sa JMR Coliseum.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...