Friday, September 21, 2018

Pulis kan Irosin, binadil sa payo, gadan


LEGAZPI CITY (Bicol Standard) -- Nagpahayag nin makusog na pag kondinar an mga miembros kan Philippine National Police (PNP) sa Sorsogon sa patraydor na pag gadan ki PO1 Michael Villalobos, na binadil na mayo nin laban kan duwang mga dai bistadong suspechado.

An incidente nangyari sa Brgy. San Pedro, Irosin, Sorsogon.

An enot na sinahotan kan mga awtoridad na responsable sa krimen iyo an mga miembros kan rebeldeng New People's Army (NPA) na aktibong nag ooperar sa banwaan na nasambit.

Sabi kan pulis, sinda mismo ngalas kun nata ginadan si Villalobos na an solamenteng trabaho iyo an mag mantinir kan paz orden sa lugar.

Mientrastanto, naheling sa video kan CCTV na an pag badil ki Villalobos harani sanang maray an distancia hale sa biktima. 

Pag tungod pa sana ki Villalobos kan para-gadan, pinaputokan na tulos siya sa payo asin sa lawas, kaya bigla sanang nag-tigaya biktima. Mantang nakahigda na an biktima, kinua pa kan kriminal si badil kan pulis na nakabugta sa saiyang habayan.

Dangan, marikas na nagdulag an duwang lalaki parayo sa pinangyarihan kan krimen, poco mas o menos alas 4:10 nin hapon, kasuodma.

Si Villalobos naka-tukro sa tungod kan hirahayan nin motorsiklo kan siya badilon.

Luway-luway asin simple sana su pagdulag kan mga kriminal parayo sa pinangyarihan.

Hasta ngonian mayo pang nakakabisto sa nag badil.

Pig aaram pa kan mga awtoridad kun ano an motibo kan pag gadan sa biktima.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...