Tuesday, September 18, 2018

Onyo Cordial vs Marilyn Co, maglalaban sa Caramoan

Cordial, Co

CARAMOAN, Camarines Sur (Bicol Standard) -- Mas mainit an politika sa Caramoan, Camarines Sur ngonian nin huli sa pagsabatan kan kampo ni dating Alkalde "Onyo" Cordial asin ni dating Alkalde Marilyn Hernandez-Co.

Si Ex Mayor Co, maroromdoman na iyo si nakatukaw na Alkalde kan siya akusaron nin murder sa pag gadan ki Miguel Antonio Francia kan Mayo 15, 2001.

Haloy na panahon na nagpara tago-tago sa justicia si Co, hastang kan nagtalikod na taon, na nagbutwa na siya tangani na atubangon an akusasyon.

Si ex Mayor Cordial iyo an presenteng municipal administrator kan banwaan asin an saiyang agom iyo an incumbent na alkalde.

Pig lalaoman na pwerte an laban kan duwa nin huli ta pareyo sinda igwa nin makusog na mga backers asin dakul na mga suportador.

Mientrastanto, kan sarong bulan sana pig bantog na si ex Mayor Co makandidato na sanang vice alkalde ni Lutmer Teoxon, na sarong retiradong empleado sa congresso.

Nagkuriyat na an papel na firmado ni Teoxon asin Co patin kan saindang mga pag-iribang makandatong consejal, na iyo na an areglo, hastang biglang maghabo si Teoxon na magpadagos kan saiyang plano.

An sabi, pinanluyahan nin boot si Teoxon kan perseguiron siya ni Co na abonaran si saiyang mga nagastos kan naka aging aldaw, kan nagprobar na maghagad nin recall election, sa banwaan.

Sa parte ni Cordial, inako kaini na preparado siya sa nagdadangadang na laban, asin makusog an paglaom na papasukamangon niya si Co sa election lokal.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...