Sunday, September 23, 2018

Naghugot ta na-consencia


VIRAC, Catanduanes— Mas ginusto ni Ricky Tabian, na tapuson na sana an saiyang buhay por medyo nin paghugot ki kan sa mag sufrir nin pirang taon sa laog kan carcel sa kun maprobaran na nagkasala sa casong pag gadan.

Si Tabian iyo an principal na suspechado sa pag saksak, gadan kan saiyang kaibahan sa trabaho sa construction project.

Sabi sa imbestigasyon nakua an malipot nang bankay ni Tabian na nakabitay sa poon kan kahoy na hamorawon, sa Antipolo del Sur, sa banwaan na ini.

Segun sa saiyang familya pig basolan na entero ni Tabian si pagsaksak niya sa saiyang katrabaho, kaya tinapos na lugod an saiyang buhay.

An biktima niya iyo si Jose Araojo, nagadan sa saksak durante kan pag celebrar kan fiesta sa Brgy. Penafrancia, sa banwaan na ini.

Nangyari an incidente sa ginigibong extension building kan Viga Rural Development High School, sabi ni P/Chief Insp Dexter Panganiban, hefe kan pulis digdi.

Antes na mangyari an krimen nag-inoman ngona an duwa, hastang nagdiscusyon.

Huli sa iwal ninda, ginamit ni Tabian na armas an welding rod, na tulong beses na isinaksak sa lawas ni Araojo, na nagtadok sa saiyang likod asin braso.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...