Saturday, September 1, 2018

Miembro kan Army inambush, pigbubulong


RAGAY Camarines Sur (Bicol Standard) -- Sarong soldados an nalugadan sa ambush kasubagong aga banwaan na ini, sabi sa report kan pulis.

Nabisto an biktima na iyo si Sergeant Amador Mansion, commander kan detachment kan Philippine Army digdi.
Sabi sa imbestigasyon, mga miembros kan New People's Army (NPA) an nag ambush saiya, mientras na nakasakay sa motorsiklo kaiba an may apelyedong Portugal na miembro kan Civilian Armed Forces Geographical Unit (CAFGU) Active Auxiliaries.

Nagdadalagan an saindang vehiculo pasiring sa Brgy. Baya kan biglang hipaan kan mga NPA, dangan pina-uranan nin bala hale sa mga makukusog na armas.

An incidente nangyari alas 8:55 nin aga sabi sa report na hale sa opisina ni Chief Insp. Maria Luisa Calubaquib, an spokesperson kan pulis sa Bicol.

May tama nin bala si Mansion sa totoong abaga pero nagibo pa niyang magmaneho kan saiyang motorsiklo parayo sa mga rebelde.

Si Portugal dai natamaan nin bala.

An biktima idinalagan sa Ragay District Hospital tangani na ipabulong.
Share:

Featured Post

478 passengers stranded in Bicol ports due to 'Samuel'

PNA file photo LEGAZPI CITY -- The Philippine Coast Guard (PCG) in Bicol on Monday canceled the trips of sea vessels, grounding 478 pa...