Saturday, September 22, 2018

Mabakal dulce, binadil


LEGAZPI CITY (Bicol Standard) — Pirang beses na binadil sagkod na madismayo si Jesus Miraballes y Bombita, 59 anyos, para oma na residente kan Zone 5, Brgy. Burabod, Libon, Albay, kasuodma na alas 5:20 nin hapon.

Segun sa pulis, si Miraballes mabakal kuta nin dulce sa Barnuevo's Store kan siya abangan kan dai nabistong kriminal.

Tinamaan siya nin pirang bala sa lawas.

Ipinahayag kan mga nag agap pakatapos kan krimen na pig turuwangan na darahon an biktima sa RHU kan Libon, tangani na ipabulong.

Alagad, nin huli sa mga tama nin bala kaya ibinalyo siya sa Bicol Regional Training and Teaching Hospital, sa Legazpi City, para tawan nin atensiyon medical.

Dai pa aram kan imbestigador an motibo kan pagbadil saiya.

Mientrastanto, marikas na nagdulag pasiring sa dai maaraman na direksyon an nagbadil saiya.

Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...