Friday, September 21, 2018

Legacion o De Asis, para alkalde kan Naga

Legacion asin De Asis

NAGA CITY (Bicol Standard) Si Vice Mayor Nelson Legacion asin City Concilor Nene de Asis na sana an pag pipilian na mga aspirantes hale sa Team Naga, kun madagos na an saindang consutasyon sa saindang mga suportadores.

Ini an informasyon na binutasan kan mga ayudandes kan City Hall na habo magpasambit kan saindang pangaran, sa pag alangan na masahotan na iyo an nagpapabulog kan mga informasyon sa media, dapit sa discarte sa politika kan grupo.

Sabi sa report, pig pili kan grupo na si Frank Mendoza, an Budget Officer kan Ciudad, iyo an mapadalagan kan survey na iyo an babasehan kun sisay sa duwa, (Legacion o de Asis) an mapipili, kan mga tawo na hahapoton, kun ano an saindang opinyon.

Mientrastanto, kasabay na man kaini an paghanap nin mga bagong kandidato sa iyo an mahipno kan mga mababakanteng pwesto sa Sangguniang Panlungson (SP) nin huli ta nagkapira na sana sa saindang an pwede pa na mag re-election.

May mga bagong pangaran an pig poonan nang palatawon sa media, na ibabale sa survey.

An saro digdi iyo si Jose Perez, na haloy na man na nag serveng para surat sa City Hall, asin aktibong miembro kan media digdi.

Sa katakod na informasyon, an Liga ng mga Barangay sa Naga na pinapamayohan ni Punong Barangay Dodit Beltran nag confirmar na an 27ng kapitan digdi, compromitido na ki Legacion.

Afuera sainda, 108 na mga consejal sa barangay an nag-aanduyog sa aspirasyon kan Vice Alkalde.

Apisar kan siring na pangyayari, dai natatakot si De Asis na labanan si Legacion, sa pagtubod na dadaogon niya ini sa popularidad.

Pig lalaoman na saaga o sa Domingo  magkakaigwa na nin tiripon an mga harigi kan Team Naga tangani na decidiran an issue kan pag pili kan saindang mga kandidato.
Share:

Featured Post

TEACHER CORNER | In reading, hope springs

Esteban B. Camano Master Teacher II Gen.T. De Leon National High School The wide spread of illiteracy is still one of the world’s bigge...