Sunday, September 30, 2018

Lalaki binadil sa Tinambac, gadan


TINAMBAC, Camarines Sur (Bicol Standard) -- Binadil sa angog kan dai nabistong lalaki si Nathaniel Filipino y Acayen, 31 anyos, residente kan Brgy. San Juan Bautista, Goa, Camarines Sur kan sarong aldaw.

Nangyari an incidente sa Brgy. Lupi, Tinambac, Camarines Sur, poco mas o menos alas 8:30 nin banggui (Sept. 28).

Sabi kan mga imbestigador, tulong mga dai midbid na mga lalaki an imbuelto sa krimen na ini.

Idinagdag sa report na pakatapos badilon si Filipino, marikas na nagdulag pasiring sa direksyon kan 
Goa, Camarines Sur an mga suspechado.

Nag gamit sinda nin motorsiklo na lunadan para madali na makadulag.

Mientrastanto, dinara pa man kuta an biktima sa Goa Infirmary para ipabulong, kundi haros marungkab an saiyang payo sa tama kan bala na hale sa dai pa aram na kalibre nin badil.
Share:

Featured Post

Duterte condoles with families of slain, wounded Bicol cops, soldiers

Bicol Standard photo NAGA CITY (Bicol Standard) – President Rodrigo Duterte led the awarding of medals to members of the police and arm...