Sunday, September 2, 2018

Kandidato kan Team Naga, pag oorolayan pa - Mayor Bongat



NAGA CITY (Bicol Standard) Sarong tiripon an ginibo kasuodma kan mga miembros kan Team Naga na pinapamayohan ni Mayor John Bongat, tangani na hapiyapon an nagkukurabkutab nang daghan kan duwang aspirante sa cargong alkalde kan Ciudad nin Naga, sinda Vice Mayo Nelson Legacion asin Consejal Nene De Asia.

Sa atubangan nagkapirang pinili na miembros kan lokal na media, sinabi ni Bongat na igwa nin processo na pwedeng gibohon tangani na maging demokratico an pagpili kun sisay saindang duwa an tatambodan na Official na kandidato sa cargong alkalde sa pirilian sa masunod na taon.

Pig paliwanag kan alkalde na kan sarong aldaw, nagorolay na sinda ni Vice Presidente Leni Robredo, an Presidente kan Liberal Party, asin pig tukar na procedimiento kan pagpili kan kandidato.

Dai pig linaw durante kan press conference kun ano an magiging systempa kan pagpili.

Mientrastanto, pig confirmar kan informante kan Bicol Standard na sa maabot na Sept 8, magkakaigwa nin saro pang orolay, kahampang si VP Robredo para finalisaron an proceso kan pagpili kan kandidato.

Afuera ki Mayor Bongat, an iba pang presente sa press conference iyo sinda Vice Mayor Legacion, Concejal Nene De Asis, asin iba pang mga nakatukaw na consejal asin ex officio na miembro kan Sangguniang Panlungsod.

An mayo sana sa saindang grupo na mga official iyo si Consejal Jose Ranola na on leave, asin sinda Consejal Miles Raquid Arroyo asin Cedric Rentoy.
Share:

Featured Post

Quack dentist arrested in Naga City

Photo courtesy of Dr. Albeus NAGA CITY (Bicol Standard) – A person believed to be a quack dentist was arrested by authorities as he was...